BOLAY

Nitenan nu keur lumaku dina SEA Games, boh atlitna, boh bobotohna, sarua padahayang Indonesia jawara. Wajar, da meureun kitu kuduna. Ana ditilik deui, singhoreng olahraga teh aya anu panitenna subjektif. Teu siga maenbal anu puguh itungan meunang-henteuna, kapanan olahraga saperti loncat indah, kembangna penca, jeung rea-rea deui, eta mah gumantung paniten juri. Cenah, pedah acarana lumangsung di nagara urang, paniten teh ponteng ka nu koneng alias mihak hiji nagara. Moal nunjuk irung saha, da kapanan Indonesia tuan rumahna. Kitu? Mung Gusti nu uninga, da sanggeus sababaraha poe kagiatan lumangsung, Indonesia jadi nomer hiji dina hal pangajen. Teu kudu mikir nu araraneh meureun nya, da bongan geus ngabaju adat siga kitu teh.
Basa agustusan kamari, di lembur kuring aya pertandingan maenbal antar RT. Kagiatanna mah ti anggalna keneh, da puasa bisi jadi alesan pamaen pikeun buka. Teu ku hanteu, lembur kuring anu maenna teu goreng-goreng acan, bet jadi jawarana. RT nu jadi lawan teh kukulutus, pantes we da di imahna. Kitu cenah... Naha enya kitu? Atuh lamun kitu mah bolay nagara urang baris kasohor dina olimpiade 2012 teh... cag

Munggaran

Caritana mah loba gaya, hayang ngajomantara cara jalma-jalma nu sohor.. bongan tuda, unggal usik teh ngan internet jeung internet deui.. Sugan ari geus apal jeung asup mah, karasa ni'mat.. cag heula...